شــعــر واقــعــي فــيــه حــكــمــه..##×

ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه


شخصاً .. تعزه بعد ماتلتقـي .. فيـه
وشخصاً .. قبل ماتلتقي بـه .. تعـزه

وشخصاً.. ترزه بالمجالـس مباديـه..
وشخصاً.. فلوسه بالمجالـس تـرزه..

وشخصاً.. يموت ولا يجيبون طاريـه
وشخصاً .. يجي طاريه في كل حزه

وشخصاً يهزه .. بعض موقف ويشقيه
وشخصاً.. مهوب أيّ موقف يهـزه

وشخصاً.. ضعيف .. ويستفزه معاديه
وشخصاً.. كلام اعـداه .. مايستفـزه

وشخصاً .. تلزه يعترف لك .. بخافيه
وشخصاً.. على خافيه .. محدٍ يلـزه



وشخصاً .. يوزونه .. ويزعل بنيخيـه
وشخصاً.. يزعّل من يحاول،يـوزه


وشخصاً.. تكزه لا زم انك .. توصيه
وشخصاً.. بليّا ما توصيـه .. كـزه

من لا فرش .. للطيب.. مانغطيـه
ومن لايخز .. الناس .. محدٍ يخـزه

ان كنت تعرفني فهي .. عرفةوجيه
مو شرط لك بالقلب قدر .. ومعـزه

اتمنى ان تنال اعجابكم ..

يعطيك العافية


اختيار موفق

لا عدمنا هذا الذوق

تحياتي

الله يعـفـيك ندى الصبح

ولا عـدمـنا توجـداك

اسـعـدني مرورك