[poem=font=",6,chocolate,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ليه الذهب ينقاس فـي وزن وغـرام=لنه ذهب ! بس هدي اعصابك اشويش
اللي عطـا كـل الشجاعـه لصـدام=يعطيك منها يبيض الوجـه واتشيـش
اتشيش مثل الطيـر لا وقّـع وحـام=وحوّل يفج انحورهن اشقـر الريـش
والشاعر اللي جاك ما سبب ازحـام=مدعوم في سالـك ولا فيـه تفتيـش
مستثمرين اكثير فـي عالـم اوهـام=وانتا كبير ومن رجال(ن) مداغيـش
اللي على دربك بغـوا زرع الالغـام=حلفت اقص الروس واملالك الخيـش
لنـك كفـو والكـل يبصملـك ابهـام=ولوهي من اول كان لبسك طرابيـش
لا تحرق الجوكر وانا حكمي اعـدام=يبن الحلال انعيش لو نقـدر انعيـش
يا اكبير ما نطرد ورى اسمـر الثـام=العين ملت مـن اطـوال العكاريـش
والباند صحانـي علـى ايـام وايـام=عسل على قلبي ولـو كـان تفنيـش
خلانـي آميـز رجاجيـل واخمـام=واعرف عدو اعناد واعطيه تطنيـش
المشكله يكبيـر فـي علـم الاجـرام=انك تشوف اخطـاء متقولهـا ليـش!
خذني على قد العقل يابـن الاكـرام=وانا محامي وشاعر وداخل الجيـش
البانـد رادار(ن) علـى درب قـدام=ياخي بسيطه دامها جـات فالريـش
واللي بمثلك صـدق ماهـوب ينـلام=عالم وحشره وفيه ناس(ن) خفافيـش
اللي يجونك فـي عبـارات واقـلام=ولا يعرفـون الا اللغـا والخرابيـش
والمنتدى ماهـوب اعضـاء واقسـام=المنتـدى يحيااابـه الكـل ويعيـش
عاد انت يا راعي مغـازل وارقـام=كنت احترمك ولكن الحيـن معليـش
يعنـي علينـا تحـرق افـلام بفـلام=ومسوي امطوّع ومدري على ويـش
كل(ن) يشوف الناس في عينه احجام=الروج لهل الروج والميـش للميـش
انـا غنـي والمغنـي الله يـحـزام=الباند مـا عيّـب وحتيّـش حتّيـش
نقطة نظـام ومثـل متشغـل الكـام=وتشوف صوره واضحه دون نشويش
[/poem]
اللي عطا كل الشجاعه لصدام & يعطيك منها يبيض الوجه واتشيش
العرض العادي
