ياليل فيك بروق ومصافق ارياح

اجبر كسوري



ياليل فيك ابروق ومصافق ارياح
= وانا نويت اسريك ليـن الصباحــي

خطوه على برق المخيله الى لاح
= وخطوه على جهدي وضو اقتراحي

ولاني مطاوع كل عاذل ونصّــاح
= مادمت ماشي بالطريق المباحـــي

راي السداد لظلمة الليل مصباح
= وراي الجهل مافيه نية صلاحــــي

ومن عادتي مرجع لوالدرب ذبـاح
= تراجعي عن راي راسي ذباحـــي

ومن عادتي مكذب ولو كنت مزاح
= والصـدق لمنّي عقلته نجــاحــي

اوفي بوعدي لجل هاالنفس ترتــاح
= والعهد يسجني ويطلق سراحـي

وعندي لكل اقفال الابواب مفتـاح
= حاسيـه للشدات مثـل السلاحــــــي

اتعب كما يتعب على الارض فلاح
= يتعب ويكسب في نهار الفلاحــي

ون قمت احسب للخساير والارباح
= تصبح وتمسي همتي في مراحي

والنفس ما تفرح بلا داعي افـراح
= واللوم مايعقب عليها نصاحــــي

والزاد مايزكى بلى شوية امـــلاح
= ولاكل مشروب الطبيعه قراحـــي

ون طحت ون ماطحت ماني بصياح
= لاعاد مايبري صوابي صياحي

اقــوم لو اني على رجل وجنـاح
= واجبر كسوري واتجاهل مطاحــي

والى بقت مـن كل ماراح الارواح
= مـن بعدها ماكن لي شي راحـــي

ولا ودي ان السـرللناس ينــباح
= اللي لهم بالعلم عــدة مشاحــــــي

اللي بعينـه تمرة الناس تفـــاح
= تكبر بعينــه من جميع النواحــــــي

يقول لي مـرتاح واقول مرتاح
= مـن شان مايرتاح لجل ارتياحـــــي

</B></I>

حياك الله أخوي الشاعر الراقي عيد قيضي البلوي
صح لسانك ملايين ولاهنت
سلمت يامبدع على هذه الرائعة الشامخة
وكل عام وأنت بخير
الله يوفقك ويسعدقلبك
نترقب قادمك


إحترامي

الشاعر الرائع عيد قيضي البلوي والنعم

اسعدتنا بمصافحة هذه الدره

التي حملت بين طياتها اضاءات جميله

لكل متذوقي الشعر.

صح لسانك وسلم بيانك,,,

شاعرنا : عيد ابو كرم


صح لسانك واحساسك

ماأجمل تلك المشاعر التي
خطها لنا قلمك الجميل هنا
لقد كتبت وابدعت
كم كانت كلماتك رائعه في معانيها
فكم استمتعت بموضوعك الجميل
بين سحر حروفكِ التي
ليس لها مثيل

دمت بألف خير