(كـــروت معــايده) قصيده لابو عمر في حفل زفاف هيثم الجوهري

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
قرّب لي القرطاس ومبهر الهيل=بنات فكري ناويات الهياضي
هذا مكان الشعر جمله وتفصيل=في مدح ربعي ما علىّ اعتراضي
ماهو وعد بلفور اوكذبة ابريل=لكن مشاعر في خفوقي تناضي
اقنص هدفها كني الطير أبابيل=يوم إبرهه جيشه جنح للفضاضي
ودي اسوق القاف سوق الفناجيل=شعرٍ ورثته ورث ماهو اقتراضي
فنجال معنى للرجال المشاكيل=مليان بالتقدير ماهو بفاضي
وباقات ورد بمزهريه واكاليل=مقدمه لاهل الوجيه البياضي
في حفل ابوهيثم كثير التجاميل=الجوهري من روس قومٍِنواضي
ربعي حويطاتٍ عن العز ماتميل=دايم لها نحو الصعيب انتهاضي
ربعي هل السيف المهند واهل خيل=واهل الكرم والجود واهل التراضي
ربعي كما نجوم الدجى والقناديل=الكل منهم في سما الطيب ياضي
قومٍ كرمها حاتمي كنه النيل=يسقي خصاب الارض وين استفاضي
امجادها وصلت زحل وايضاً سهيل=واللي حسدها وسط عينه شضاضي
هذي وصايف لابتي بالتماثيل=غيضٍ من خصال الرجاجيل فاضي
امثالنا مثل الرجال الزحاحيل=وكل القبايل عندها مجد ماضي
شيخ المشايخ عون من حمله يشيل=ماتشيله جبال السراة العراضي
ان جيت له في معضلات المثاقيل=مايلوح في وجهه عليك امتعاضي
ابشر بشيخ يزيح كل العراقيل=لاصار بالدعوه عليك اكتضاضي
شيخٍ من سلالة شيوخٍ حلاحيل=مايلزم التاريخ شاهد وقاضي
ياكثر مافي لابتي من رجاجيل=في عصرنا ذااليوم والا المواضي
هناك للجازي تحيه وتبجيل=شيخٍ حكيم وله مواقف غلاضي
والرمز ابوتايه خوي المصاقيل=كفه على نصابه شديد اقتباضي
واللي نزح منا على ديرة النيل=واللي بفلسطين الحبيبه يغاضي
هذي كروت معايده بالتكاميل=تبلغ عيال حويط فوق الاراضي
اصعد بنا ياشيخ فوق المخاييل=من قمة العليا تخيل الفياضي
في ظل حكام الجزيره تساهيل=ال السعود اهل النفوس الرواضي
داموا لنا يارب جيلٍ بعد جيل=في مملكتنا عاصمتها الرياضي
واللي معانا للمعالي هلا وهيل= واللي يبي يجلس يجيب المقاضي
واللي رضى ينزل على مجرد السيل=ماله على مقسوم رب اعتراضي
وصلاة ربي عد رش الهماليل=على الشفيع بيوم ورد الحواضي
[/poem]

للشاعر مسلم عواد العميري الحويطي