قصيدة المعلمه ساره يوم شافت حبيبها جاي يسجل بنته !!

يانوره بالله اسمعي لاتصدين
يابنت حزن مركزه بالصداره

شي جرالي قسم القلب قسمين
وابلا ملامه افهمي للعبارة

باول دوام المدرسه يوم الأثنين
معلمه في وجه باب الأداره

وقفت باللجنه على سادس اثنين
مثل المجند ينتظر للأشاره

هاذي تنادي وهاذي ابله انا وين
زحمه وتو اليوم بأول نهاره

اصوت لثنتين وبيدي ثنتين
نوره مضاوي عايشه مي ياره

وسمعت صوتن رجع القلب لسنين
صوت الذي اسمه بنقش السواره

اختي عن اذنش ناقل البنت هالحين
تفضلي الأوراق والأستماره

عجزت لا اجاوب ولا ارمش العين
طول سكوتي وهو طال انتظاره

حسيت ان الدم مثل البراكين
شريان قلبي وصل حد انفجاره

ورفعت راسي وصارت العين بالعين
ولمحت في عينه سواة الشراره

هو هو والا واهمه يامسلمين
زوله ورفعة حاجبه مع سماره

لا ماتغير فيه ياكود شيين
حف الشنب والشيب زاد بوقاره

اتلا علاقتنا ثلاثه وتسعين
باول حلاة العمر قبل انكساره

الشاهد الله ماحصل بيننا شين
ولا يخدش احساس بنت وعذاره

نعم الحبيب اللين الطيب الزين
ونعم الرفيق اللي حفظ حق جاره

ياوجه ابوي الوجه مرحب وسهلين
لا يابعد روح ومعاليق ساره

ودي المه وودي اصيح بس وين
مثل الكسير اللي نشب وسط غاره

مايستطيع المشي من دون رجلين
وحوله جنودن تشتهر بالشطاره

ياللأسف هالحين صرنا غريبين
حكم القدر واصدر علينا قراره

الهم والغربال والفقد والبين
وانا اسيره تنتظر للزياره

ويلي على لاماك ويلاه ياحسين
يامن يجمعنا واسوق البشاره

ساره وسكت له لحظه كنها سنين
واقفا واشوفه يوم شب الزقاره


رد حسين على قصيده معشوقته القديمه ساره

يامرحبا ياغايتي ياهلا وين
يابنت عودن فيه طيب ونعاره

لا يابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة اسنين
ماكان شفتي الشيب زاد بوقاره

لا مانسيتك من ثلاثة وتسعين
وشلون ابنسى حب واضح مساره

تدرين شاللي هزني يوم الأثنين
واللي ذبح قلبي بأول نهاره

زولك لمحته يوم كنتي تمشين
بين الصفوف اقبال باب الأداره

وفز الخفوق وقلت ياربي تعين
هي هي ولاهي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي اكيد انك سمعتي بساره




أليمة الكلمات والله

بالفعل أليمة
و ما اجمل الحب ان إتسم بالعفاف
شكرا لك على روعة الاختيار

االيمهـ ومميزهـ ,,

يعطييكـ الف الف عافيهـ ..

المشاركة الأصلية كتبت بواسطة الآتي الأخير

بالفعل أليمة
و ما اجمل الحب ان إتسم بالعفاف
شكرا لك على روعة الاختيار

هلا وغلا ابو ثامر
نورت المكان على القوة

كلمات جميله رغم ماتحمله من الم الفراق

شكراً ابو بتآل

قصيدة رائعة ومليئة بالاحساس والألم

ومن يسلك طريق الحب فليتحمل عواقبه

ذيب الشوامين
اختيار موفق

تحياتي لك

يآآلله هذا الحب ولا بلاش
يعطيك العافيه ع روعة موضوعك
لك شكري

جداً اليمه ..

وكلماتها خفيفه ولها معاني وزنها ثقيل وخياليه ..

تستاهل التميز والتقييم

سلمت ابا بتال ياذوووق الشبكة

ودي ..

اختيار حلووو

عشنا جو معهم هههههه

يسلم ذوووقك ذيب الشوامين

شكراً بحجم السماء لكل من عطر المكان ..
ولمن مر مرور الكرام ..



الذيب

ذيــــــــــــــــــــــب الشوامين

ياروح روحي عليك وعلى انتقائك الروووووووعه

الصراحه مؤلمه القصايد ونبراتها مليئه حزن

واحييك على روعة حضورك

أقدارٌ تحطُ على عتبات الزمن ... تتمرسها أيآدي الألم ...
حرفٌ أليم يستيقظ ليحكِ قدر حباً عفيف ...

.
ذيب الشوامين ...
.
قرأت منقولك رغم ألمة ...
ولكن حقً دائما تأتي بالجميل ...
.
شُكراً ..

اختيار موفق للقصيده ونقل أروع
سلمت يداك

ابيات رائعه وبسيطة الطرح
لكنـــــــــــــها مؤلمة

ابو بتال يسلموو

وما اجمل القصيد عندما ينبع من واقع تجربه ..سلمت ذائقتك يالذيب

اليمة
اليمة
اليمة
احزنتنى كثيرا

دائماٌ انقاء موفق ابو بتال

لقصيدة من اجمل ماقرأت

اشكرك..... ودمت بكل ود

يعطيك العافيه على انتقائك الراقي
عسى ربي لايحرمنا من جمال جديدك
تقبل مرورى وتقديرى