هذي اربعين من السنين المعاطيب

[poem=font=",6,purple,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هـماً يقـلّب عـوج الاضـلاع تقـليب=تقـليب شـوايه عـلى نار حـيه
احـيان يحضـر داخـل القلب ويغيب=واحـيان يلعب فـيه لـعب الـعبيه
يرسـل مـع الـدم المـصفى مناديب=لـمّا يضيق بـطينها مع سميه
مهمـا تقـول الناس يـنزاح ويطـيب=يصبح عـلىّ الـصبح زايد شـويه
وانا اعرف ان الوضع مافيه تطبيب=حاجات حتى عن الاشعه خفيه
سوى ضميري مثل بيت العناكيب=يتسج خيوطه كل صبح وعشيه
ماصابني سهم الرموش المهاديب=ولاعشقت الـجادل العسجديه
هـذي بقايا فـي حـياتي رواسيب=تراكـمت فـي صـدورنا الـداخليه
هـذي اربعين مـن السنين الـمعـاطيب=اثارهـا بالـقلـب تأثير كـيه
استوطنت جوا الضلوع المحاديب=لين اصبحت مثل النحل بالخليه
[/poem]