بسم الله الرحمن الرحيم
السلام عليكم و رحمة الله و بركاته :
اثناء جولتي التفقدية في المجالس لدواعي امنية و للاطمئنان على احوال التماسيح و السحالي اكتشفت شي خطير جدا و هو محاولة انقلاب على حضرتنا من أحد الزملاء الشياب .
هلحين اكيد تبغوا تعرفوا وش اللي صار ؟
اللي صار ان الاخ ابو عبد الله كتب تحت اسمه في المجالس ( عمدة مجالس الحويطات )
و ما ادري يا جماعة الخير كيف يصير في المجالس عمدتين .
و مثل ما انتم عارفين ابو عبد الله قلبه اخضر و هواوي .
و بعد جيته من الساحل اشوف اطباعه خربانة و الظاهر ان تمشياته في البر و اكلات السمك جابت معه نتيجة و صار نشيط . و أول شي سواه سرق كرسي العمدة .
و الظاهر ان الباشمهندس شجعه لانه حاقد علي لاني كشفت لكم ان قلبه اخضر مثل ابو عبد الله .
فالجماعة يبغوا يصلحوا مؤامرة على حويط الثاني عشر .
و انا شايف المشجعين لهم كثرانين و خاصة السحالي .
و انا حبيت اشتكي هنا قبل ما يتطور الموضوع و تحصل بيننا معارك و اشتباكات .
و انتم عارفين اني عمدة ديموقراطي و قبل الحرب ودي اخير ابو عبد الله بين ثلاث امور و الي يختاره انا مع فيه :
الأول : يبعد عن كرسي العمدة بعيد و لا يجي في ديرته .
الثاني : ان ما تنازل نسوي انتخابات و السابق تطلع بيمناها .
الثالث : ان ما اقتنع بالحلين ابرسل له كم ذبيحة ( رشوة ) و يحل عني و عن الكرسي
لان الكرسي مثل ما انتم عارفين تعبت فيه و خسرت عليه اثناء الانتخابات السابقة . و ان ما اقتنع بهالحلول فالشكوى لله تعالى . منتظر حل للمشكلة .
كرسي العمدة يا جماعة انسرق !!!!!!!!!
العرض العادي
