عـــزي لمــن مثلـــــــي ............
يـالجتــي لجــة صــويــب الذيابــه
يوم المسلح باشهب الملــح يرميه
عــزي لمــن مثلـي زمـانـه رمــابـه
واصبح اعزوبي ما لقى مـن يعشيه
والجوع حــدٌه والعشــا مـا حظـابــه
والشـاي الاسود مالقى من يســـويه
والعيشـه اللــي بالمطـاعــم معـابه
مــليـت انــا يانـاس ماني مــدانيــه
وغسل الملابس ما حسبنا احســابه
الثوب مـادري كيف وشلون ابكويه
والبيــت مــوحش تكتنـفـه الكـآبــــه
ولولا الحيٌـــا لاهـــجٌ عنٌــه واخـليـه
من يوم غاب اللي خفوقي ســـرابـه
البيــت مــاله قبـلـةً عقـــب راعيــــه
كنـــي خــلاوي عايشً وسـط غـابـه
وان مـا اكلني ذيب صرت لحصانيـه
كنــي علـى جمـر الغظـا واللتهـــابه
فــرقا الاهـل يجرح فـوادي ويكـويـه
يـاشـــين فــــرقـا لابتــي والقــرابــه
مثـل الـذي يشـرب غثا الســـمٌ بيديـه
هــذا العـزوبـي وان شرح ما جرابـه
مــايلام لـو يبـدي على الناس خافيـه
الشاعر محمد سوعان الربيع
عزي لمن مثلي ؟؟؟؟
العرض المتطور
