سكر زياده

بسم الله الرحمن الرحيم

هذه القصيده شاركت بها في المرحله الأولى من مسابقة شاعر تبوك والتي أقامتها قناة صوت الباديه

القصيده تقول


[poem=font=",6,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
لو جيت ابا اكتب عن تبوك وحلاها=واشهد على لذة طعمها شهاده
لابد أشهد للمناطق معاها=أصل الحلا بالمملكه صار عاده
سكر مذاقه في مدنها وقراها=لكن تبوك الورد سكر زياده
متميزه لاشك عن ماسواها=بورودها الي تستحق الإشاده
بانجلترا فاحت روايح شذاها=ولاقت على الجو الجميل وبراده
الله يبارك في يد الي رعاها=أميرها الي عينته القياده
فهد ابن سلطان مروي ضماها=ومضفي عليها يوم جاها سعاده
طوّر مساكنها وعلا بناها=وحقق مع الأيام فيها مراده
ياخذ محبتها لأنه عطاها=ماتستحقه في محبه وزاده
واليوم صرنا في تبوك انتباها=حيث انها حازت مكان الرياده
زاد التوسع في تبوك ورباها=وفي أرضها العمران زاد امتداده
صار التطوّر رمز في محتواها=في كل مايلزم ومنه استفاده
باحيائها وفي كهربتها وماها=وكامل مرافقها ودور العباده
تدخل فؤاد الي بعينه رآها=ولأجنبي لو كان ماهي بلاده
الله يعين الي يشده هواها=لو شد عنها باقيه في فؤاده
والناس فعلا يختلف مستواها=فيه البعض مسيود والبعض ساده
لكن ليا جات لتبوك وغلاها ؟=الكل واحد في غلاه اوّداده
[/poem]