ايه ابدوي

ايه بدوي ياجاهله ايه ابدوي ايه بدوي
اسمن على صدر الزمان و كل عين تخايله

ما نركع اللا للولي سبحانه العفو القوي
سبحانه الفرد الصمد معط الضعيف وعايله

ياجاهله تاريخنا‎ ‎ما‎ ‎هو سوالف فوضوي
المجد قولي غيرنا يابنت منهو طايله

تاريخنا ما هو ورق بكتاب يو‎م و ينطوي
لمع السيوف اللي على خشم العدو متنايله

حنا وقفنا شامخين بليل والذيب يعوي
واللا هلك يابنت تاهو بين قول وقايله

قولي من اللي فكك من الترك والوقت يهوي
قولي وردي سولفي يا ام الدموع السايله

يوم ن هلك فرو جبن والصوت يدويهم دوي
يابنت ما جالك علم ودري علومي هايله

اهل الكرم وهل الوفا لطيب دايم نحتوي
ما نلبس اثياب الردى ونجامل اهل الحايله

والبر عشق قلوبنا كل المشاعر تهتوي
ماهمنا برد الشتا وللا سموم القايله

والبر ما هو دله وقهوه وجدي ن ينشوي
وللا مشاهد مخرج ن سطر سوالف زايله

اختم كلامي وقصره في قول يابنت بدوي
افخر وفاخر وفتخر يااما العلوم المايله

..........................