انتي غلاكي فوق حد التصاوير ....

انتي غلاكي فاق حد التصاوير***
انتي غناة القلب وانتي حنينه***

الك الغلا بالبوح ماله تفاسير***
ليتك مثل ماجاك صادق تجينه***

يزين فيك الشعر كلك تعابير***
شاعرك فاضت به مشاعر كنينه***

شاعرك لعيونك يزف التباشير***
يقطع يمينه كان تقصر يمينه***

الك الوفا والود والك المعاذير***
شاعرك في خاطره ضمك بدينه***

بين الحنايا لك معزه وتقدير***
كل الغلا وراع الغلا تدركينه***

ياماحلا لاطاح وبل الشخاتير***
شوفة خضار العشب يكسى بطينه***

ياماحلا شوف الزهر والنواوير***
فوح الشذا لافاح من ياسمينه***

مالوم من حدنه عنها مقادير ***
ان كان ينثر بالجفا دمع عينه***

يادار حبك مايجي منه تقصير***
اغليك مايغلي الولد والدينه***

ياماحلا سج القدم والمشاوير***
في ديرة تجلى القلوب الحزينه***

دار النشاما والرجال المناعير***
دار الكرم وهل العقول الرزينه***

اهل الدلال الفايحات المباهير***
وهل السيوف اللي على النذل شينه***

ارض الحويطي في عيونه تجي غير***
قصة وفا في عشق شامخ جبينه***

مايرخصوها بالذهب والدنانير***
بالقلب والله كل ابوها ثمينه***

في شفها ماحسبو للمخاسير***
العمر كله دونها بايعينه ***


*************************