قصيده ومناسبه للشاعر سعيد عوده الحويطي

هذه القصيده مهداه الى الشيخ عون ابوطقيقه شيخ شمل قبيلة الحويطات
والسيد عبدالله حسين الفته الحويطي والى كل من ساهم في عمل الخير بين الحويطات وقبيلة سفيان
[poem=font="Simplified Arabic,4,black,normal,normal" bkcolor="transparent" bkimage="../backgrounds/19.gif" border="none,4,gray" type=0 line=0 align=center use=ex num="0,black"]

يالله ياخالق جميع البريات=ياواحدٍ ماخاب حيٍ لجاله
اسالك باسماك العظيمه والايات=يارب جنبني دروب الجهاله
واحفظ لساني لايجي فيه زلات =والادمي مفتاح قلبه مقاله
ومن بعد ذا باكتب بيوتٍ جزيلات=بيوت شعرٍ منقيات بجزاله
شاعر قوافي الشعر تجيني مطيعات=واصعب قوافي الشعر عندي سهاله
واعبر بحور الشعر لوهن غزيرات=واخذ منه ماطاب واترك هزاله
واهدي سلامي وافياً للحويطات=اهل الكرم والجود واهل الشكاله
ربعٍ لهم بالسيف وقفه وردات=وان جا نهارٍ يحتمونه رجاله
سلام وافي مع جزيل التحيات=اعداد ماهل المطر من خياله
يعم كل حويطي فيه نخوات=من الجنوب الى مشارف شماله
والشيخ عون اللي وقف للمهمات=شيخٍ كسب كل الثناء والجماله
رجل المواقف والامور الصعيبات=وان قال قول صدقنه افعاله
والنعم في شيخٍ وقف للثقيلات=كم ماقفٍ صعبٍ وقف وارتكاله
بيته وقف مرفوع من بين الابيات=يفرح بجوده من نصى له وجاله
تلقى به علوم النشاما كثيرات=وعن لازمه ماتشح ايدينه بماله
مجدٍ ورثه من الايام القديمات=ميراث ابوه وماكسب من خواله
وعبدالله ابن حسين رجل المروات=الله يكثر في النشاما امثاله
اللي عفى وماقال فيها احتمالات=والعفو من شيم الكريم وخصاله
يالله ياسامع جميع الدعوات=في جنة الفردوس تجعل اماله
وتعيضه برحمتك عن كل مافات=وثقل بها يالله طيب اعماله
ويالله تهدي الحي وتغفر لمن مات=وتخلف بخير لمن صبر في عياله
ونثني الثنى والشكر لاهل الجمالات=اللي سعوا بالخير من اول مجاله
شيوخ حرب نخصهم خص بالذات=وقريش وكل اللي بخيرٍ سعاله
اللي لهم عند المواجيب وقفات=والطيب فيهم والكرم والرجاله
واللي سعى بالخير في وقت الازمات=جزاه عند اللي عظيمه افضاله
وسفبان تستاهل هذيك الكرامات=الجود فيهم والوفا والاصاله
قومٍ لهم بين القبايل مقامات=مقامهم مايجهله من دراله
عبرت عن خافي كنيني بالابيات=وشعري يعبر عن ضميري وحاله
كتبتهن بايجاز ماابغي الطويلات=اخاف ياخذني بعيدٍ طواله
وخير الكلام اللي اهدافه مفيدات=وكثر الكلام ان زاد مابه صماله
وصلوا على محمد ختام النبوات=محمد رسول الله وصحبه وآله[/poem]

للشاعر:سعيد عوده شداد الحويطي
ج/0505376024