..
دنيا غريبه والفتها التعاكيس
نوبٍ تجازينا ونوبٍ تكافي
أحدٍ ينام وجل نومه كوابيس
وأحدٍ ينام وكل نومه عوافي
وأحدٍ على مشحاه فج الفوانيس
وأحدٍ شرب ببيالة الشاي كافي
وحنا على كل حال نحط ونقيس
واللي علينا من الملازيم نافي
ياعيال عايش ياالرجال السناعيس
ياعزوتي فثقالها والخفافي
نسل الشريف اللي تعدّى القواميس
حويطات عز الجاه ملجى الضعافي
ياكم وجيهٍ دبّرت بالتعابيس
ماذاقته من صالي الحرب كافي
وضمّنت قولي بالتواريخ تقييس
يوم الكرامة والشواهيد تافي
بيارق الصهيون صارت مناكيس
نكّس علمهم فعل قرم ٍصلافي
مشهور قايدهم وبالجنب فرّيس
وجيوش معدنها من العز صافي
حقايق ٍمادنستها التداليس
وللعز فصدور النشامى خوافي
وللحق كلمة وللمودة تضاريس
محبةٍ فالله ود وتصافي
وللوصل قيمه وللقطاعه وساويس
ولاغيره الرحمن عالم وخافي
يالله جنبنا دروب المتاعيس
ويارب جمّلنا بزين الملافي
..
دنيــا غريبــه ..
العرض الشجري