الضيقه اللي وسط عوج المحــاديب
مدري يــبو تركي من اللي نسجها
أنا ادري انــك عارف(ن) للمــواجيـب
وكم عتمة(ن) بالليــل نورك بلجهــا
نواف اشكي من جروح(ن) معاطيـب
زادت مع ظـــروف الليــالي حرجهــا
النار تشعل واكتــوي بالمشاهيـــب
ماني مدانــي يا بناخـي وهـجـهــا
كلاً شعل بالصـدر جمــر ولواهيـــب
خيل العنــا والهــم منهــو سرجهــا
ما بين أنيــــاب الزمن و المخاليـــب
أسايـــــر أيامــي واداري عوجــهـا
ضاع الوفا في وقت كلـــه أكاذيـــب
ناس ارتوت من مي زايد همجـهـــا
الذيب يعــوي ليـــه ما جاوبه ذيــب
يا الذيب دنيـــا غيرت في نـهجـهــا
دام الحصيني في ديـار المعـازيــب
ما اظنها عالخيــر تنـــوي فـرجهـــا
أغلقت أنا الدفتر وهاك المكاتيـــب
الدرب ضاقت ليت يبدي فججـهــا
حسين الهدبـــــان
خيل العنــا
العرض المتطور
