الصايبه .

في خاطري شي ٍ ومن واقعي شي
___________ماهـو بـخيال اعيش واقـع حقيــقي
الميت الليّ مات لوهرج الحي
___________مدري أيتحمل هرجه او ما يــطيقي
والليّ ورد ضامي ولا حصل المي
___________هل من مجيب ان قال انا جف ريقي
والليّ يبي يمثل كرم حاتم الطي
___________ويــقــول انا حاتـــم تـوقـع يــليـقــي
والليّ على الرمضاء يبي يلحق الفي
___________حافي قــدم يــقطع هــذاك الـطريــقي
والليّ بلا عزوه ولا ربــع ياخـي
___________يــقـدر يــعيش بدون ربـع وفـريــقي
الصايـبـه كالطب تاليته الكي
___________وتــفـوق الــغـافــل ليــما يــفـيــقــي
يهون كله كان لك ربع ترّكي
___________عـلى رجال بــكل عــلــم ٍ وثــيــقــي
لوطيبين من اول ٍ زادو شوي
___________من وقـفـة ٍ فيها الضواري تــويــقـي
هم لك سند باالوقت هم لك كما الضي
___________بــعيــونـك اليــا شفتهم ما تـضيـقـي
كاالغيث للارض الذي بحاجة الري
___________مـن مــزنة ٍ يسبق رعــدها البــريــقــي
ان سيّلت ماء البير حّول مع الطي
___________ وليــا امتــلا يــدفـق وجـاله صفـيقي
وتسيل منه الاوديه كنها شتي
___________وكل مصمد ماه يــصبــح عــمــيــقي
اسبوع منه الارض ما كنها هي
___________غيّــر طبــيــعة روضـها والـعــريــقـي
واسبوعها الثاني من العشب تزهي
___________يـدله بــها الضايـــق بــليــا رفيـــقي
هذي هي العزوه كما العد ترهي
___________وتــوسع الخاطر وهــو مستـضيــقي