السلام عليكم ورحمة الله وبركاته
وانا اقلب بهالمنتديات لقيت قصيده وعجبتني كلمات رائعه جداً آمل ان تعجبكم
يابحـــــر أبسألك ليش أمواجك الليله تعاني
أنت مثلي يابحر قبل أمس فاقـدلك حبيبـــــه
أنت متضايق عشانك ولا متضايق عشاني
أسألك بالله قلي يابحر ويش المصيبـــــه؟
ولا أقول : أسكت وانا بحكي عن اللي لك خذاني
ببتدي معك الكلام وكل ماعندي بجيبــــــــــة
تذكر اللي لا لفتني بشر القلب المحاني
تذكر اللي صوتها تشتاق له حتى المواني
كل ميناء يسأل الثاني اذا طول مغيبـــــه
تذكر اللي في كفوفي تشتعل الدنيا أماني
تذكر اللي نورها سود الليالي تقتدي بـــــــه
تذكر اللي سلهمتها تقلب الساعه ثواني
تذكر اللي عطرها حتى طيورك تختفي بــــــه
تذكر اللي علمتني كيف اروض هالمعاني
كل مامرت عليه رحت لشعر انتخي بــــــــــه
تذكر اللي كل صبح تمرني بأحلى تهاني
صار كل العمر عيد وصارت اقرب من قريبـــــه
قبل يومين تركتني ورحلت مع شخص ثاني
شخص ماكانت تحبه بس مدري وش تبي بــــــه
أدري اني من سببها كاسر خاطر زماني
وأدري أني اول أنسان كسر خاطر نصيـبـــــــه
وأدري ان الله خذا مني مثل ماهو عطاني
وأدري ان الغاليه راحت رضا ماهو غصيبـــــــه
بس أقول الله كريم وعمر كل الناس فاني
والمكــــان اللي خلا من زولها وش نبغي بــــــــه
مدخلك بالله حط نفسك في مكاني
وش تســـــوي لاصرت فاقدلك حبيبــــــــــــه؟
منقول لروعتها
يابحر << قصيده رائعه
العرض العادي
