{ الحـــكــــايـــة }

لقلوبكم وعذرا على الانقطاع

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بالبداية عليكم من خفوقي سلام = وبعد أزكى تحية اسمعوا ما يلي
الحكاية تراني غارقٍ بالهيام = طحت طيحة ولا به حي سّمى علي
كنت أكابر وأقول القلب يأبَ الغرام= لين جاني هواها حطني من علي
قالوا الحب نار ولا عرفت المرام=قلت ناس توّهم لين شفت الصلي
بين قلبي وعقلي واللحم والعظام= أستقر الغرام وصار يغلي غلي
للهنوف الكحيلة طار قلبي وحام = في فضاها وربي ها لفضا طاب لي
مهرة من أصيلة بنت حر قطام= عزوة للغريب وربعها والهلي
عيطموس حلاها مايبي له كلام= ويل لي من حلاها ويل لي ويل لي
الله اللي عطاها حسن كل الأنام = بين جيد وجديل ومبسم وأيطلي
والبلا في عيونٍ حور ترسل سهام= آآآهـ من سهم عين صابني بمقتلي
من يقول الرجال بعمرها ما تضام= !! أشهد أنه بحب السولعي يجهلي
ضامني حبها ماعاد فيها ملام = لايمي ياعسى الله ينزله منزلي
وفي ختام الحكاية قلت مسك الختام = السلام عليكم ,, والسلام علي[/poem]