الشبكة مسجلة لدى وزارة الثقافة و الاعلام
قصة حياتي (( حدثت احداث هذه القصه في الفتره مابين 1922 م و 1966 م )) المكان : في ديرة ام قليب في الصمان انا عبسي الدمرداش حبيت اقول لكم قصه حياتي اللي كلها مآسي وعذاب علشان الاجيال القادمه تاخذ منها العضه والعبره ولا ياكلونها في لحيتهم زي ماكلتها انا اول شي انا انولدت في ديرتي اللي هي ديرة ام قليب في الصمان عام 1922 م في فترة القحط اللي مر على الجزيره العربيه ياعيني على حبة الخال كان الناس في وقتها عايشين في فقر وجوع وتعب مايلقون شي ياكلونها وصار شي طبيعي ان يقولون فلان الفلاني توفى من الجوع كان كل شي مسمووح اكله من عقارب وديبان وحصانيه (( الحصني : فرخ الذيب )) الناس عايشيين في خيام مرقعه بخياش لكن انا انعم الله علي بشايب مخه مفتح يعرف وشلون يصرف امووره , الوالد كان من اكبر هوامير الديره في مجال الغنم وملحقاتها من تبن وشعير وبرسيم كان عند الوالد غنم يسد عين الشمس كان عنده ثلاث الاف راس راس ينطح راس وفي وقتها كان الراس الواحد غالي مره يعني مثل السياره في وقتنا هذا وكان ابوي الله يحفظه في بداية حياته ما أعرس ولا تزوج لين وصل في عمره الاربعين سنه وعلشان يعوض ايام شبابه تزوج اربع حريم في ليله وحده وجاب من الورعان الواجد حتى انه اضظر ابوي انه يسوي كل شهر محضر جرد علشان يعرف من اللي مات منا ومن اللي بقي حي وكنت انا الدلوع لان امي هي الحرمه الرابعه (( عاد مايحتاج الحرمه الرابعه هي الجو الخاص )) كنت يومني صغير مارضع الا حليب قواطي انواع واشكال مرتن حليب بطعم التمر ومرتن حليب بطعم المرقوق يعني اوضاعي اوضاع مهيئة للفله والوناسه واصبحت مصدر حسد للوراعين الثانين وكانوا كل مايشوفون معي رضاعتي يجوني مشوتين الوراعين و يقولون عطني جغمه عطني جغمه عيال فقر ماشافوا نعمه كنت وقتها مالي ربع لاني شايف نفسي عليهم وكل ماشافوني ومن زود الحقد في قلوبهم قاموا يحذفوني بالحصا ومنين تونس مره يطبقون الحصاه على راسي ومرتن على ظهري وعلشان كذا كان ماعندي ربع وحطيت حرتي بالالعاب ماتجي لعبه جديده الا وانا جايبها لكن للأمانه ماكنت العب فيها ابد بس اجمع وراعين الحاره واحط الالعاب قدامهم واخليهم يشوفونها بس عاد انا استمتع بنظرات القهر اللي ترتسم على عيونهم ايه على طاري الالعاب ذكرتوني بلعبه في وقتها ضربت السوق عندنا لعبه وش زينها وكانت غاليه مره وقمت اصايح عند ابوي الين شاراها لي وكان اسم اللعبه (( مطفووق الطرازاني )) بس ماعرفت وشلون العبها ثم نطلتها في اليوم الثاني طبعا كل ذا العز يبي له سكن برستيج وماقصر ابوي شارله قصر وش طوله وش عرضه غرفتي بس كبر نص الحاره نسيت اقولكم شي مهم انا يومني كنت صغير كانت الوسامه تنز من شقوق جبهتي كانوا يقولون لي انت مولود في عصر غير عصرك حتى ايام ماكنت اروح مع ابوي البحرين علشان نجلب غنم من هناك كانو يقولون لي البحارنه ياربيه وش حلاوته صغينون ( لا لا . يعني هو حلو صح ) تسألون ليش انا داق تحيه انا من يوم اني صغير وعندي حس بالمسؤوليه الله لايخليني من نفسي وعدت ابوي اني كل سنة اصور لي صوره وادق تحيه علشان اثبت له اني قد المسؤوليه المهم يومني انتصفت في العمر يعني حروه العشر سنوات ابوي ارسلني للبحرين علشان ادرس هناك لان في وقتها ماكان عندنا مدارس ومن المواد اللي كنا ندرسها مادة فك الخط وذي الماده غثيثه عجزت انجح فيها وذي الماده الثانيه مدري وشهي بس فيها رسمات وخرابيط ويوم شاف ابوي ان ماوراي طب في الدراسه قرر انه يجيبني لانه يقول انه فتحت مدرسه عندهم وسجلني فيها وكانت اسم المدرسه (( مدرسة علووم الرجال)) كنت في وقتها طالب نجيب ومن افضل الطلاب في المدرسه وكنت مؤدب مره والاول على صفي وهذا بشهادة مدير المدرسه اللي مايشوف في الدنيا زيي لكن لظروف اجبرتني على ترك المدرسه ولا المدير حاول معي ومع ابوي علشان يخليني اكمل دراسه لكن مالله اشاء وهاذي صوره من شهادتي الى الحين حالتنا الماديه عال العال وماعلينا قصوور الين جاء ذاك اليوم اللي هو بداية نقطه التحول في حياتي يوم خلاني الوالد ارعى في الغنم وجانا في ذيك الفتره مطرة ارتوت الارض منها وقلت في نفسي ياولد ليش ما ترعى في بطن الوادي واخذت البهم ورحت لبطن الوادي وللمعلوميه انا اول مره يسند لي الوالد بمهمة رعي الغنم لانه دايم يقول لي انت ماعليك تكله اتكل على حمار اشهب وعرج ولا اتكل عليك (( بس وتحت ضغوط من (( امي وافق وخلاني ارعى الغنم الحالي ويوم اني انتصفت في الوادي الا يوم الغنم تراكض مدري وش سالفتها ثم طمرت في المويه (( كنا في وقتها في قيظ وحر )) المهم انا انخبصت مدري وش اسوي واطمر مع الغنم في المويه واطلع لي نعجه هي الوحيده اللي بقت من الغنم واسحبها للبر واشوفها ما تنفس واسوي لها تنفس اصطناعي ثم انعاش قلبي وطول الوقت على ذا الحال بعد عشر دقايق مابقى ولا غنمه قصدي ولا راس من الغنم كلهن غرقن عن بكرة ابيهن رحت لابوي في البيت وعلمته السالفه وطلعت ولادعي لذكر التفاصيل بين دخول البيت والطلعه منه انا تشردت ورحت في خرايط والدينها ابوي ترك الدنيا كلها وحط حرته في شيشة ام زغلول اخذت انا امي واخوي الصغير وهجيت من الديره واستاجرت لي خيمه لين الله ييسرها رحت دورت لي شغل الين الله وفقني في شغله زينه وراها مكسب طيب طبعا تذكرون يوم اقول قبل كم سطر اني وعدت ابوي ان كل سنة اصور لي صوره وانا داق تحية علشان ابين اني قد المسؤوليه السنه هاذي صورت لي صوره ودخلت التوقيف من بعدها وانقطع رزقي جعل الله يقطع رزقهم (( قولوا امين )) ومن بعد ماطلعت من التوقيف اسودت الدنيا بعيني لكن لقيت لي شغلة زينه في سوق الغنم اللي جنب الخيمه (( لمزيد من التفاصيل راجع الكروكي )) اشتغلت في احد حوشة الغنم وسلم لي راعي الحوش عهدة سيكل اقضي فيه مشاويري لكن الى الحين احس بتأنيب الضمير علشان كذا قلت لازم اعوض عن اهلي ومرت الايام والسنين لكن فكرة اني ارجع ايام العز الين الحين في راسي وانا في غمرة احزاني طرت على بالي ذكريات الزمن الجميل يومني ورع اااااااااهين ااااااااااه يالورا تشوفون لورا اكبر مني لكن الحب مايعرف صغير ولا كبير (( ياعيني عليك ياعنتر ابن الملوح )) الوكاد اني سمعت ان ابو لورا تاجر معروووف وكان يعزني يومني صغير قلت في نفسي ياولد رح وكمل نص دينك ومنها تعيش اهلك في خير ونعمه علشان اعوض عليهم حياة الشقا كله المهم كلمت معزبي علشان اخذ منه موتره واروح لبيت لورا واخطبها من ابوها وماقصر المعزب عطاني الموتر ويوم اني شغلت الموتر الا البنزين تحت الربع ومشوراي حول الثمانين كيلو قلت لازم اعبي ديزل اول مامسكت الخط السريع والقى لي محطة اليمامه واصفط فيها وافلل الموتر بنص ريال الله لا يخسر وامسك الخط وانا مشغل اغنية بشير حمد شنان (( ياراكبين الشفر ردوا حبيبي علي يا )) ويوم اني قربت من قصر لورا والقى لي ورع يغسل سيكله من موية في الشارع قلت وليش ماغسل انا الموتر بعد لان الموتر امتلى تربان وغبره واصفط جنب الورع واغسل موتري ويومني غسلت الموتر واروح لقصر امورا وقلت له ابي اخطب لورا وقالي ياولدي حنا ماهمنا الفلوووس والجاه والعز حنا شارين رجال نبيك تاخذ بنتنا بس المهر غالي تقدر عليه ؟؟ قلت وشهو المهر ياعمي انا جاهز باللي تطلبه قال المهر جايزة الشيخ حريص بن حبيش في سباق التحدي والقدره للحمير قلت ابد عندي وانا ابو هندي وفعلا شاركت في المسابقه وبقدرة قادر فزت في المسابقه ويوم اني جبت الجايزه مهر لورا واعطيه عمي وقال عرسك الخميس الجاي ليله الاثنين جهز عمرك قلت الخميس ليلة الاثنين !!! طيب المهم وارووح اتمشى في السوق علشان اشتري كسوة العروس شريت الكسوه وقبل لا اطلع من السوق اشتهيت لي كولا خام (( الكولا في وقتنا يجيك طحين تاخذه وتحطه في مويه ولا في حليب وتخلطه ثم تشربه )) ويوم اني ضبطت امووور عرسي وكل شي تمام التمام طبعت لي كروووت للعرس واوزعها على الجماعه علشان اعلمهم بليلة العرس وجاء اليوم الموعود وزفوني للقصر وياخذوني ويدرعمون فيني يم قسم الحريم واجلس على الكوشه انواع الاحراجات ماغير امشي واتعركب ببشتي والحريم يضحكن علي المهم بدا العرس والحريم يرقصن وفالتها اخر فله ويوم خلص العرس واخذ لورا يم الدوادمي علشان شهر العسل وحنا نروح يم السوق علشان نشتري نتقضى قبل لا نمشي للدوادمي لكن اكبر غلطه في حياتي يوم رحت للسوق ياليتني مارحت انصدمت واسودت الدنيا في وجهي انا وش اسوي بعمري ولا وبعد العرس بيومين بس يافري جيبي فرياه المهم وانطلها في الشقه واخذ لي عسيب نخل وامعطها وحده وحده واقول اطلقها ماطلقها اطلقها ماطلقها واروووح اتمشى في الشوارع بجمسي واروح لابو لمعه خويي في داخل الديره واشكي له الحال وقال ولا يهميك ياخوي تبي تنسى همومك قلت ايه قال عندي زقاير(( ابو بس )) توها جايتني خذلك زقاره وتنسى الدنيا بعدها قلت طيب عطني من زقاير ابو بس (( زقاير ابو بس دخان يعرفونه الاولين يجيك البكت مرسوم عليه قطو اسود )) والغم الجمس كله زقاير من الصدام للصدام طبعا للاستخدام الشخصي واتمشى واطق لي زقاره واروح للحي الشميسي (( كان حي راقي في وقتها )) وامر من عند الدوار حق الطريق السريع بالعاده اطلع يسار من عند الدوار وادخل على حيي الشميسي لكن بالغصب طلعت يمين : والقى نقطه تفتيش من بعد ماتعديت الدوار (( عاد انا ملغم الجمس زقاير )) قلت معصي اوقف لان معي عشرين بكت دخان والحسابه بتحسب والحسابه بتحسب وكل بكت فيه عشرين زقاره والحسابه بتحسب والحسابه بتحسب وعلى كل زقاره عليها سنة سجن والحسابه بتحسب والحسابه بتحسب يعني محكوميتي على بعضها اضرب عشرين في عشرين يطلع لحظه شوي 20 X 20 ________ 00 40 400 يعني المحكومية على بعضها اربع مية سنة وتبوني بعد اوقف المهم وانتف ابو جدهم بالجمس وانحاش ويبلغون علي بالكنود ويطاردوني يمكن عشر جموس شرطه قلت ياولد وش السواه المهم وارووح لحارتنا ويوم شفت الدعوه خربت واصفط على جنب قريب من الشقه وانزل ومعي العجرا قلت يمكن انهم يخافون ثم يتركوني في حالي بس تجمعوا علي حول خمس وعشرين عسكري وهم اللي يرضوني ويرضوني الين عضيت الارض انا يوم انزل عليهم بالعجرا مادريت انهم تكارنه , ولا لو اني داري انهم تكارنه تسان قضبت ارضي ويركبوني الجمس ويدوني للقسم ويحكمون علي سجن اربع مية سنة وهذا عام 1966 م والى يومكم وحنا في 2007 وانا اقبع خلف اسوار السجون ادعي ان الله يفك كربتي يارب العالمين والحين باقي من محكوميتي 359 سنه واللي وده يزورني ويسولف معي الله يجزاه خير الا بشروني لورا وش صار عليها عقبي يقولون انها اعرست وجابت وراعين , اللي يعرف لورا يوصل لها قصيدتي ياعسكر بلغوا سلامي من ورا السجون لبنت في أعالي جبال الطويق موطنها يابنت انا من جور الزمان علي مغبون وانا اللي بالمشاكل دايم احب امتحنها يحسبون الغبنه على السجن تراهم مايدرون ان اللي انسجن القلب ولورا هي من سجنها خلصت القصه شفتوا الحظ ياحرام الله يعينه انا مت من الضحك قلت انقلها لكم عشان تضحكون وتنبسطون .: منــقولــه :. . . . . . [glow1=0000CC]وعلى درووب الخــير نلــتقي أحبــه[/glow1]
ههههههههههههههههههههههههههه والله إنك تهاويل ياعبسي بس وين عدنان ولينا والقبطان نامق وباقي الشله ماشفناهم بالصور,,,,,,,,,, تـــــحــــــيـــــــــاتــــيــــ لـــــكـــ
هههههههههههههههه والله انك فنان ولله من اروع المواضيع الى شوفتها تقبل تحياتى اخى الشهاب
بعيــد الــهــقأأأأوي شــــــــاكر لك مرووووركـ تحياتي لك
الشــهابـ شــأكر لك مرووركـ تحياتي لك
[align=center]عطني جغمه عطني جغمه <<<< خخخخخخخخخخخخخ عجبتني مررره يسلمووو أخوي على ها الحدوته الجونان [/align]
يؤيؤيؤيؤيؤ الماضووع يبغاله قعده ... لي بآآآآآك للماضوووع .. شكله ونآآآآًصه.....
أنا مدري ليه زمان يوم يتصوروا يحطوا أيديهم على خصورهم ..؟ قال يعني حركه ..... ودائماً مفهيين .... أما الالعاب شــي كان قاهر الورعاان يستعرض عليهم المسااكين خخخخـ والله القصه حلوووه ياليااهو وو مشكوور على نقلها ساندريلا
ههههههههههههه مشكور على القصه يعطيك الف الف عافيه يرحم ايام الالعاب والله شي حقت مكه من زمن الدنيه موجوده للحين
((عبسي الدمرداش )) ^_*
يسلمووو أخوي على ها الحدوته الجونان 
العرض العادي
