اليوم وقت المصلحه منـه نكتـال
كلـن لمصلحتـه يجهـز ذلولـه
الله ولا يـوم يـحـدك لـلانـذال
بوجهيـن مايثبـت بقولـن يقولـه
يفكـر انـه فاطـن وكلـه هبـال
ماهو بداري وش جرى وصارحوله
لونك تعده يطلع بصـف الاطفـال
اللي تقنـع فـي قنـاع الرجولـه
ابن الردي لارافقـك خلـه بجـال
يومين ويبين الردى فـي اصولـه
لاصكت الايام عن جانبـك مـال
عن نخوة الاجواد زايـد خمولـه
لاترافق اللي عنك بالهـرج نقـال
كنه على النمـات ياخـذ عمولـه
لاترافق الا من حلاحيل الابطـال
ماينثنـي لـو كايداتـن حمـولـه
ماعرف اعيش مقلب الوجه باشكال
ولا اخذت لي في وادي الغدر جوله
صح السانك ابو ريان ... مافيك حيله
قصيده رائعه ..وشاعر مثلك نعتز فيه ..وماعليك من الحاسدين .
وعساك على القوه..
اختك
صاحبة السمو الملكي
رد: قــنـــاع الـــرجـــولـــــه
العرض العادي
