يسرقوننا جهارا نهارا 00

للأسف الشديد 00 قام أحد المستشعرين فيما يسمى ( منتدى تكسي البنات ) بسرقة قصيده من ديواني وهي قصيدة ( ثمان سنين ) ونسبها لنفسه 00 بل وشارك بها في مهرجان أدبي في منطقته 00 والحقيقه ان هذه مشكله لانعرف كيف نتعامل معها 00 والمشكله انه لم يغير حرفا واحدا من القصيده

وهذا اقتباس من موضوعه 00

السلام عليكم ورحمة الله وبركاته

هذي القصيده شاركت فيها في مهرجان أقامه النادي الأدبي في منتطقنا,,

وحازت على إعجاب الجمهور وكآن لها صدى لدى
أبناء المنطقه,

وحبيت أشارك فيها هنا بالمنتدى,,

أنا ماعاد يربطنـي بعدهـا بالخلايـق شـي
أساسا هي ليا راحت تـروح الـروح وياهـا
حقيقه صارت بعيني أهم من الهـوى والمـيِ
كأن الله خلقها لي ولـي مخصـوص سواهـا
ياكثر الي يلوموني ولايدروا عـن الـي فـيّ
ياكثر الي يقولوا لي يمـر الوقـت وتنساهـا
وانا انشد وين مفتاحي ؟ وادور له وهو بيـديّ
ليامن شخص قدامي ذكرها وجـاب طرياهـا
أجل وشلون لو جتني تزيّن لـي دروب الغـيّ
ألا وشلون لو ذقت الحلا مـن حمـرة شفاهـا
تغلغل حبها بقلبـي وتملّكنـي شـوي شـوي
تملّك روحي القشرا من اقصاها إلـي ادناهـا
أنا من كثر ماهواها هويت اخوانهـا والحـيّ
هويت البيت والشـارع لأنـه فيـه ماطاهـا
أسج الرجل واجيها ولو حفيـت لهـا رجلـيّ
يهون لشوفها الممشى لو انـه طـال ممشاهـا
عسى من لامني فيها يذوق من العنـا مابـيّ
يعرف اليا بكت عينـه عيونـي إيـش بكّاهـا
إبن لعبون قدامـي تولـع وانفتـن فـي مـيّ
بيوته باقيه فـي مـيّ إلـي هالحيـن نقراهـا
ثمان سنين من راحت لكن المسأله هـيّ هـيّ
ثمان سنين من راحت وعيني ماوقـف ماهـا
أصبّر نفسي بقولة ( مصير الحي يشوف الحيّ)
مع اني قاطع ٍ حبل الرجا مـن بعـد فرقاهـا
.
.
.
.
.
.
.
.
.
.
.
.
أخوكم/شميت عطرها بكفوفي

رابط الموضوع

http://taxi-bnat.com/vb/showthread.php?t=55571



رابط القصيده في الديوان


http://www.alhowaitat.net/showthread.php?t=22592