صندوق رائع لحفظ عدة البر

نبدأ بالموضوع :


كنت أول ساكن شقة صغيرة وبما إن أغراض البر كثيرة عندي كنت موزعها بالشقة وبكل مكان حتى غرفة النوم ماسلمت !!


وبفضل الله ونعمة منه انتقلت إلى الفلة وصار عندي حوش وأول ما سويت فيه دولاب لعدة البر


المقاسات : الطول 2 متر والعرض 3 متر والعمق 60 سم


وبما أنه كبير ومن الحديد القوي كلفني 2500 ريال





وهذي صور توضح شكل الدولاب ومكانه








وهذي الصورة من زاوية أبعد








وهذي من زاوية أخرى تبين عمق الدولاب








وهنا أبين لكم قرب الدولاب لشنطة السيارة لسهولة التحميل والتنزيل








وهذي صورة الدولاب بعد مافتحناه بسم الله ماشاء الله








والحين أبعلمكم بأغراضي الواضحة بالصورة





1 : بساط ومراكي وتكاية للظهر 2 : مجموعة بسط صغيرة وفوقها المخدة 3 : شنطة مراكيب النار ومعها الملقاط
4 : العزبة الكبيرة للقهوة والشاهي والطبخ 5 : العزبة الصغيرة للطلعات الخفيفة للقهوة والشاهي فقط
6 : دروج بلاستيك لترتيب الخضار 7 : أسياخ شوي 8 : شبوك شوي 9 : شنطة بيالات وفناجيل
10 : حافظة ثلج 11 : دافور كبير وخلفه برميل الغاز للتعبئة 12 : مجموعة جوالين ودورق وضوء
13 : منقل شوي صغير 14 : منقل شوي كبير داخل جراب خاص





وهذا الجزء الثاني من الدولاب





1 : مدة جلوس متينة 2 : بسط بلاستيك 3 : مقلاة كبيرة 4 : صحون دائرية كبيرة داخل جراب خاص
5 : برميل مندي داخل الجراب 6 : شراع المظلة 7 : قز عادي عين وحدة 8 : شراع الخيمة
9 : شطاف للوضوء 10 : الأدوات الصغيرة مثل القارمن والآيكوم والكشافات واللمبات وغيرها
11 : رواقات وأعمدة الخيمة وأعمدة المظلة وأريال الآيكوم وأعمدة اللمبات 12 : فراش الدريويش

منقول للفائدة
اتمنى ان يحوز على رضاكم